Վերադառնալ Լուրերու մայր էջ
 

Շնորհակալական Նամակ - 1 Յունիս 2013

Նամակ Սուրիահայութեան Շտապ Օգնութեան Եւ Վերականգնումի Մարմինէն

 

1 ՅՈՒՆԻՍ 2013

 

ՇՆՈՐՀԱԿԱԼԱԿԱՆ ՆԱՄԱԿ

ՍՈՒՐԻՈՅ ՀԱՅՈՒԹԵԱՆ ՕԺԱՆԴԱԿՈՒԹԵԱՆ

ԳԱՆԱՏԱՅԻ ՀԱՄԱԴՐԻՉ ՄԱՐՄՆԻՆ

 

Յարգելի՛ անդամք՝

Սուրիահայութեան Շտապ Օգնութեան եւ Վերականգնումի Մարմնիս անունով կը յայտնենք մեր խորին շնորհակալութիւնը, Սուրիոյ տագնապին պատճառով Սուրիոյ հայութեան դիմագրաւած դժուարութիւններու յաղթահարման աշխատանքներուն մէջ ձեր ցուցաբերած աջակցութեան համար։

Ձեր կողմէ փոխանցուած գումարները հերթաբար կը ստանանք եւ համապատասխան ձեւով կը տրամադրենք Սուրիոյ հիմնական շրջաններու հայկական համայնքներուն՝ Հալէպ, Դամասկոս, Ծովափ (Լաթաքիա, Քեսապ) եւ Ճէզիրէ։ Այս գումարները, որոնք ժողովուրդի օգնութեան փութալու  պահանջուած ծախսերն են, կը յատկացուին սննդեղէնի ապահովման, առողջապահական խնդիրներու սատարման, բնակարանային վնասներու հատուցման եւ կրթական բնագաւառի օժանդակութեան համար։

Մեր ժողովուրդի ապրած այս դժուարին օրերուն եւ քաղաքական-ապահովական ցարդ անկանխատեսելի պայմաններուն մէջ, յուսադիր ենք, որ ձեր նախաձեռնած օժանդակութեան աշխատանքները պիտի շարունակուին նոյն ուժականութեամբ, յանուն Սուրիոյ հայ համայնքի գոյատեւման։

Մեծապէս կը գնահատենք ձեր կատարած ներդրումները եւ ձեր աշխատանքներուն անսպառ երթ կը մաղթենք։

 

ՍՈՒՐԻԱՀԱՅՈՒԹԵԱՆ

 ՇՏԱՊ ՕԳՆՈՒԹԵԱՆ ԵՒ ՎԵՐԱԿԱՆԳՆՈՒՄԻ ՄԱՐՄԻՆ