Վերադառնալ Լուրերու մայր էջ
 

Հալէպահայութեան Շտապ Օգնութեան Գործադիր Մարմնի Հաղորդագրութիւն (1)

Սուրիական հայրենիքին վիճակուած տագնապի շրջագիծին մէջ, սուրիահայ կազմակերպութիւններն ու բարեսիրական միութիւնները, գլխաւորութեամբ հայ համայնքապետերուն յառաջացուցած են ՍՈՒՐԻԱՀԱՅՈՒԹԵԱՆ ՇՏԱՊ ՕԳՆՈՒԹԵԱՆ ՄԱՐՄԻՆը։ Սուրիոյ հայկական կարեւորագոյն կեդրոններէն իւրաքանչիւրը, միասնակամութեան սկզբունքով առաջնորդուած եւ տեղական պայմաններուն ու կացութեանց համապատասխան աշխատանք կը ձեւակերպէ։

Հալէպահայութեան Շտապ Օգնութեան Մարմնի աշխատանքին շրագիծը պիտի ընդգրկէ շտապ օգնութեան, օժանդակութեան եւ ապահովական մարզերը։

Հալէպահայութեան բոլոր բաղադրիչներու ճիգերուն եւ հնարաւորութիւններուն մէկտեղումով, յուսադրուած ենք միասնաբար դիմագրաւել մեր համայնքի հաւաքական կեանքի հաւանական դժուարութիւնները։

Այս առիթով կեանքի կոչուած է Հալէպահայութեան Շտապ Օգնութեան Մարմնի Գործադիր Յանձնախումբը, որ անհրաժեշտ գործնական տնօրինումները պիտի կատարէ։

Հ.Շ.Օ.Մարմինը պատասխանատուութիւնը ունի յանուն մեր ժողովուրդին հանրային պաշտօնական յայտարարութիւն կատարել ու հաղորդագրութիւններ հրապարակել։

Հալէպահայութեան հասկացողութեան, անվերապահ զօրակցութեան ու գործակցութեն վստահելով, Ամենակալին պաշտպանութեան ու հովանաւորութեան կը դիմենք, որպէսզի իր խաղաղութիւնը հաստատէ Սուրիական հայրենիքին մէջ։

Ձեր ազնիւ ուշադրութեան կը յանձնենք հետեւեալ կարեւոր հեռախօսահամարները.-

ԱՌՈՂՋԱՊԱՀԱԿԱՆ 0944-651 151, 0933-817 583, 0946- 333 103, 4654300, 4640389

ՍՆՆԴԵՂԷՆԻ 0944-616 471, 0944- 651 970

ԿԵՑՈՒԹԵԱՆ 0944-255 979, 0933- 622 443

ԱՐՏԱԿԱՐԳ ՎԻՃԱԿՆԵՐՈՒ 0964-403000, 0938-209970

 

Հալէպահայութեան Շտապ Օգնութեան Մարմին

Հալէպ 26 Յուլիս 2012